नेपाली कांग्रेसको १४ औं महाधिवेशनमा पराजित भएका कांग्रेस नेता शेखर कोइरालाले एमसीसी पास गर्नुपर्ने बताएका छन् ।
नेपाली रेडियो नेटवर्कमा आइतबार बिहान प्रशारण भएको अन्तर्वार्तामा कोइरालाले एमसीसीलाई लिएर अगाडि बढ्दा नेपालाई नोक्सान नहुने बताएका हुन ।
एमसीसीका विषयमा कोइरालाले पूरै कुरा नपढेको समेत बताएका छन् । नेता कोइरालाले मंगोलियाले पनि एमसीसी लिएको भन्दै नेपालले पनि एमसीसी लिनुपर्ने बताएका हुन् ।
अर्को प्रसंगमा कोइरालाले आफूलाई दोस्रो वरीयतामा राख्नुपर्ने बताए ।
केन्द्रीय सदस्यमा मनोनीत गरेर सभापति शेरबहादुर देउवाले गुटको विजारोपण गरेको आरोप लगाए । उनले चन्द्र भण्डारी, मीनेन्द्र रिजाल, महेश आचार्यलाई पनि केन्द्रीय सदस्यमा मनोनयन गर्नुपर्ने माग गरेका छन् ।
रामचन्द्र पौडेल, शशांक कोइराला र सुजाता कोइरालाका कारण आफू सभापतिमा पराजित भएको उनले बताएका छन् ।
