सरकारले १२ वर्ष भन्दा माथिका दीर्घ रोग भएका व्यक्तिहरूलाई फाइजर खोप लगाउने भएको छ । यसअगाडि कुनैपनि खोप नलगाएकाहरूलाई फाइजर खोपको २ मात्रा दिन लागिएको हो ।
देशभर २४ अस्पतालमा उक्त खोप पाइने स्वास्थ्य तथा जनसंख्या मन्त्रालयले जनाएको छ । खोप लगाउन जाँदा दीर्घ रोगीले अस्पताल वा चिकित्सकले जारी गरेको दीर्घ रोगको उपचार सम्वन्धि पूर्जा लिएर जानुपर्नेछ ।
कात्तिक २८ देखि मंसिर ४ गतेसम्म यस खोपको पहिलो मात्रा दिइनेछ भने मंसिर २७ देखि पुष २ गतेसम्म दोस्रो मात्रा उपलव्ध गराइने स्वास्थ्य तथा जनसंख्या मन्त्रालय अन्तरगतको परिवार कल्याण महाशाखाले जनाएको छ ।
यी हुन् खोप पाउने लक्षित दीर्घ रोगी समूह
मुटुको शल्यक्रिया गराएका वा औषधि सेवन गरिरहेका
मृगौंला फेरेका, डायलाइसिस गराइरहेका वा औषधी सेवा गरिरहेका
फोक्सो सम्वन्धि रोगको औषधी सेवन गरिरहेका
अङ्ग प्रत्यारोपण गरेका
उच्च रक्तचाप वा मधुमेह भई उपचार गराइरहेका
रोग प्रतिरोधात्मक क्षमता कम भएको अवस्थाका व्यक्तिहरू
मस्तिष्क र मस्तिष्कका रक्तनली सम्वन्धि रोग भएका
खोप केन्द्रहरू
प्रदेश १ : मेची प्रादेशिक अस्पताल भद्रपुर, बीपी कोइराला स्वास्थ्य विज्ञान प्रतिष्ठान धरान, कोशी प्रादेशिक अस्पताल विराटनगर
प्रदेश २ : गजेन्द्रनारायण सिंह स्वास्थय विज्ञान प्रतिष्ठान राजविराज, नारायणी प्रादेशिक अस्पताल विरगंज, जनकपुर प्रादेशिक अस्पताल जनकपुरधाम
बागमती प्रदेश : बीपी कोइराला स्मृति क्यान्सर अस्पताल भरतपुर, धुलिखेल अस्पताल धुलिखेल,
गण्डकी प्रदेश : पोखरा स्वास्थ्य विज्ञान प्रतिष्ठान पोखरा, धौलागिरी अस्पताल बागलुङ
लुम्बिनी प्रदेश : लुम्बिनी प्रादेशिक अस्पताल बुटबल, राप्ती स्वास्थ्य विज्ञान प्रतिष्ठान दाङ, भेरी अस्पताल नेपालगंज
कर्णाली प्रदेश : कर्णाली प्रादेशिक अस्पताल सुर्खेत
सुदूरपश्चिम प्रदेश : सेती प्रादेशिक अस्पताल धनगढी, डडेलधुरा अस्पताल अमरगढी
काठमाडौं उपत्यका : बीर अस्पताल, श्री बिरेन्द्र सैनिक अस्पताल छाउनी, सिभिल अस्पताल बानेश्वर