सिन्धुलीको मरिण गाउँपालिकामा करेन्ट लागेर गम्भिर घाइते भएका दुई पुरुषलाई थप उपचारको लागि हेलिकप्टरबाट काठमाडौं ल्याइने तयारी भएको छ ।
मरिण गाउँपालिका ४ जुटपानीका ३६ वर्षीय जितबहादुर बिक र २३ वर्षीय राजकुमार माझी करेन्ट घाइते भएका हुन् । उहीरुलाई आइतबार बिहान ८ बजे मरिण गाउँपालिका ६ धमिलेका स्थानीय रामबहादुर काल्तानको घरको छत ढलान गर्ने क्रममा करेन्ट लागेको बताइएको छ ।
गम्भीर घाइते दुईमध्ये जीतबहादुरको अवस्था चिन्ताजनक रहेको छ । घाइतेहरुको सिन्धुली अस्पतालमा सामान्य उपचार भएपनि अस्पतालले थप उपचारका लागि दुवै जनालाई काठमाडौँ रिफर गरेपछि हेलिकप्टर मार्फत पठाउने तयारी गरिएको छ ।