प्रोफेसर डाक्टर जागेश्वर गौतमले हिन्दु धर्म अनुसार मृत्यु पछि गरिने संस्कार निकै वैज्ञानिक भएको बताएका छन् । उनले मृत्यु पछि हिन्दुहरूले मान्दै आएको १३ दिने अन्तिम संस्कारको परम्परा निकै वैज्ञानिक देखिएको बताएका हुन् ।
अहिले महामारीको समयमा क्वारेनटिन र आइसोलेसन बस्नु जस्तै त्यतीबेला मृत्यु संस्कारमा १३ दिन अपनाउने धार्मिक परम्परा निकै वैज्ञानिक देखिएको उनको भनाई छ ।
सामाजिक सञ्जाल ट्विटरमा उनले अहिलेको महामारीको अवस्थालाई जोडेर यस्तो ट्विट गरेका छन् । उनी लेख्छन्, विज्ञानले चिकित्सा शास्त्रको विकास गर्नु अघि मृत्यु भएको परिवार जनलाई १३ दिन नछोई राख्ने चलन (क्वारेन्टाइन) त्यो बेलाको इपिडेमिक रोग फैलिन नदिने विज्ञान रहेछ, पुर्खा कति दूरदर्शी ?
विज्ञानले चिकित्सा शास्त्रको विकास गर्नु अघि मृत्यु भएको परिवार जनलाई १३ दिन नछोई राख्ने चलन(क्वारेन्टाइन) त्यो बेलाको इपिडेमिक रोग फैलिन नदिने विज्ञान रहेछ, पुर्खा कति दूरदर्शी!
— Prof Dr Jageshwor Gautam (@gautamjageshwor) June 19, 2021
हामीले मान्दै आएको पूर्वीय दर्शन निकै विकसित भएको उनले अनुभव गरेको बताएका छन् । उनले पूर्वीय संस्कृति पहिले विकास भएको भए पनि निरन्तरको अभावले पछि परेको बिचार व्यक्त गरेका छन् । त्यस्तै उनले अर्को ट्विट पनि धार्मिक संस्कारसँग जोडेर लेखेका छन् ।
बुवा भन्नू हुन्थ्यो;
पूर्वीय सभ्यता र दर्शन पहिले विकास भएको भए पनि निरन्तरताको अभावले पछि परेको हो,
होला र ?— Prof Dr Jageshwor Gautam (@gautamjageshwor) June 19, 2021
उनी लेख्छन्, बुवा भन्नू हुन्थ्यो, पूर्वीय सभ्यता र दर्शन पहिले विकास भएको भए पनि निरन्तरताको अभावले पछि परेको हो, होला र ?