नेकपा (एमाले)का नेता एवं पूर्वमन्त्री महेश बस्नेतले संसदमा बहुमत देखाएर नयाँ सरकार बनाउन विपक्षी दलहरुलाई चुनौति दिएका छन् ।
सामाजिक सञ्जालमार्फत उनले भने, ‘सक्छौ भने बहुमत पुर्याएर नयाँ सरकारको दाबी गर । हामी बिपक्षीमा बस्न तयार छौ । नत्र भने संबिधान अनुसार बन्ने बैकल्पिक सरकार र त्यस्को कामलाइ आलोचनात्मक समर्थन गर । मिडिया र सोसियल मिडियाको रोइलोको कुनै अर्थ छैन।’
बहुदलीय ब्यबस्थामा खेलिने सत्ताको खेल फुटबल जस्तै रहेको उल्लेख गर्दै उनले भनेका छन्, ‘बहुदलीय ब्यबस्थामा खेलिने सत्ताको खेल फुटबल जस्तै हो आफ्नो टिमले गोल हान्न खोज्दा अर्कोले रोक्ने अर्को टिमले हान्न खोज्दा आफुले रोक्ने। जस्ले गोल गर्छ सिल्ड मेडल उसैले हात पार्छ।’
पूर्वमन्त्री बस्नेतले नेपाली राजनीतिका सफल टिम लिडर के पी ओली नै रहेको बतानु हुँदै भन्नुभएको छ ‘अझै धेरै समय विपक्षीको कोटमा गोल छिराउदै अगाडी बडनेछन सिल्ड मेडल प्राप्त गरिरहनेछन।’
उहाँले राजनीति बिचार र सिद्धान्तको मात्र विषय नरहेको बताउनुभएको छ । उहाँले भन्नुभएको छ ‘यो त विधि, पद्धति र प्रक्रियाको बिषय पनि हो ।
बर्तमान सरकार र प्रधानमन्त्री के पी शर्मा ओली बिरुद्ध हात धोएर लागेका विपक्षी दलहरुले संबिधानको धारा ७६(२) अनुसारको सरकार बनाउन निकै मरिहत्ते गरेकै हुन । एमाले फुटाउने, जसपा फुटाउने, राष्ट्रियसभामा निर्दलिय गठबन्धन बनाउने। फ्लोर क्रस गराउने, पार्टी व्हिप विरुद्ध मतदान गराउन लगाउने जस्ता अनेक अलोकतान्त्रिक हर्कत देखाएकै छन। ’
