शनिबार भएको खेलमा ललितपुर सिटीले ४ गोल गरेपछि विराटनगर सिटी एफसी खुकुरी नेपाल सुपर लिग (एनएसएल) प्रतियोगिताबाट बाहिरिएको छ । एनएसएलको सबैभन्दा विवादस्पद बनेको खेलमा विराटनगर १० खेलाडीमा सिमिति भएको थियो । दोस्रो हाफमा मैदान पसेका विजय धिमाल दोहोरो पहेलो कार्ड खादै मैदान बाहिरिएपछि विराटनगरमा १ खेलाडी कम भएको थियो ।
ललितपुरसँग हार बेहोरेसँगै विराटनगर प्ले अफमा पुग्न असफल भएको छ । अब पोखरा थन्डर्स र बुटवल लुम्विनी मध्ये एक टोली प्ले अफमा पुग्नेछ ।
जितपछि ललितपुर सिटी एफसीले खुकुरी नेपाल सुपर लिग (एनएसएल) को प्ले अफमा स्थान पक्का गरेको छ । उसले ६ खेलबाट ९ अंक ल्याएको छ। धनगढी १० अंक जोडेर शीर्ष स्थानमा रहँदा समान १० अंक नै भएपनि काठमाडौं हेड टु हेडमा दोस्रो स्थानमा छ ।
नेपाल स्पोर्टस म्यानेजमेन्टले आयोजना तथा अखिल नेपाल फुटबल संघको प्राविधिक सहयोगमा हुने एनएसएलमा ७ शहरका ७ टोलीको सहभागिता रहेको छ । राउण्ड रोबिनको आधारमा हुने लिग १ जेठसम्म सञ्चालन हुनेछ । एनएसएलमा विराटनगर सिटी फुटबल क्लब, काठमाडौं रेजर्स फुटबल क्लब, ललितपुर सिटी फुटबल क्लब, एफसी चितवन, धनगढी एफसी, पोखरा थन्डर्स र बुटवल लुम्बिनी एफसी रहेका छन् ।
प्रतियोगिताको विजेताले ३५ लाख रुपैयाँ प्राप्त गर्नेछन् । उपविजेताले १५ लाख रुपैयाँ हात पार्नेछन् । व्यक्तिगत विधाका सबै उत्कृष्ट र उत्कृष्ट युवा खेलाडीले जनही १ लाख रुपैया हात पार्नेछन् । यस्तै हरेक खेलको प्लेयर अफ दि म्याचले २५ हजार तथा हरेक खेलको इमर्जिङ प्लेयर अफ दि म्याचले १० हजार रुपैयाँ पाउनेछन् ।
खेलका केही तस्विरहरु