नयाँ भेरियन्टसहित दोस्रो लहरको कोरोना संक्रमण फैलिएपछि देशका विभिन्न जिल्लाहरुमा निषेधाज्ञा जारी भएका छन् । सोमबार बिहानसम्म देशका ४१ जिल्लामा निषेधाज्ञा जारी भैसकेको छ । बजारमा निषेधाज्ञाले गर्दा सुनचाँदीको कारोबार न्यून भएतापनि त्यसको मूल्य बढ्ने क्रम जारी छ ।
हिजोको तुलनामा सुनको मूल्य आज तोलामा ४ सय रुपैँयाले वृद्धि भएको छ । बैशाख महिनामा बिवाहको लगन भएको हुँदा केहीमात्रामा सुनचाँदीको कारोबार भएतापनि त्यो बाहेक अन्य प्रयोजनको लागि खासै सुनचाँदीको विक्री नहुने सुनचाँदी व्यवसायीहरु बताउँछन् ।
नेपाल सुनचाँदी व्यवसायी महासंघका अनुसार आजको लागि छापावाल सुनको मूल्य तोलाको ९० हजार ४ सय निर्धारण भएको छ भने तेजावी सुनको मूल्य ८९ हजार ९ सय कायम भएको छ । जुन हिजोको तुलनामा ४ सय रुपैँयाले बढी हो ।
सुनको मूल्य बढ्दा चाँदीको मूल्य पनि सामान्य रुपमा बढेको छ । हिजोको तुलनामा चाँदीको मूल्य तोलामा ५ रुपैँया बढेर प्रतितोला १ हजार ३ सय कायम भएको महासंघले जनाएको छ ।
काठमाडौं उपत्यकामा बैशाख १६ देखि लकडाउन सुरु भएको हो तलको तालिकाबाट हेर्नुहोस त्यसपछिका दिनहरुमा सुनचााँदीको मूल्य
*१८ गते शनिबार सुनचाँदीको नयाँ मूल्य निर्धारण नहुने हुँदा अघिल्लो दिन अर्थात वैशाख १७ गते शुक्रबार कायम भएको मूल्यमा नै कारोबार हुने गर्दछ ।