नेपाल प्रेस युनियन काठमाडौँ शाखाले समाचार सङ्कलनका क्रममा नयाँ पत्रिकाका पत्रकार केदार दाहालमाथि दुर्व्यवहार गर्ने प्रहरीलाई कारबाही गर्न माग गरेको छ ।
लैनचौरस्थित भारतीय दूतावास अगाडी रिपोर्टिङमा रहेका बेला पत्रकार दाहालमाथि मङ्गलवार प्रहरीले दुर्व्यवहार गरेको थियो । सो घटनाको भर्त्सना गर्दै प्रेस युनियन काठमाडौँ शाखाका अध्यक्ष जगन्नाथ दुलालले विज्ञप्ति जारी गर्दै दोषीमाथि कडा कार बाईँको माग गरेका छन् ।
“‘नो अब्जेक्सन लेटर’ लिन उपस्थित भएका भारतीय नागरिकबारे समाचार संकलनका क्रममा पत्रकार दाहालमाथी भएको आक्रमणको नेपाल प्रेस युनियन काठमाडौँ शाखा घोर भर्त्सना गर्दछ ,” अध्यक्ष दुलालले जारी गरेको विज्ञप्तिमा भनिएको छ, “पत्रकार दाहालमाथि समाचार सङ्कलनका क्रममा नेपाल प्रहरीले गरेको ज्यादती एउटा पत्रकार माथिको आक्रमण मात्र नभएर प्रेस तथा अभिव्यक्ति स्वतन्त्रतामाथिको हस्तक्षेप हो भन्ने ठहर छ ।
समाचार सङ्कलनमा अवरोध गर्ने र पत्रकारमाथि दुर्व्यवहार गर्ने प्रहरी माथि तत्काल छानविन गरी कडा कार बाईँको माग गर्दछ ।”
