चुरोट खाने आदत भएका मानिसलाई उनीहरूको उमेरअघि नै अनुहारमा चाउरी पर्ने गर्छ । निधारमा धर्सा बस्नेदेखि निकोटिनका कारण काला दाग समेत बस्ने गर्छ । निकोटिनले छालालाई कसिलो बनाउने कोषलाई टुटाइदिन्छ । अनुहारको चाउरीपनबाट जोगाउने महत्त्वपूर्ण टिप्स
पाकेको केरालाई पेस्ट बनाएर अनुहारमा दल्नुहोस् र आधा घण्टापछि मन तातो पानीले अनुहार धुँदा अनुहारमा निखार आउनुका साथै चाउरी पर्नबाट जोगाउँछ ।
जुन पायो त्यही साबुनले मुख धुँदा अनुहारमा चाउरी पर्छ । तसर्थ राम्रो फेसवासले मुख धुनुपर्छ ।
दुई चम्चा मह र चार चम्चा पाउडर दूधलाई मनतातो पानीमा मिसाउने र यो पेस्टलाई अनुहारमा दल्ने । दश मिनेटपछि अनुहार धुँदा अनुहारको छालामा निखरता आउनुका साथै छाला कसिलो हुन्छ ।
घ्युकुमारीको रस निकालेर नियमित अनुहारमा दल्नुहोस् । यसमा हुने विशेष प्रकारको एसिडले अनुहारको छालाको कोषलाई बलियो बनाउँछ र समयमै चाउरी पर्नबाट बचाउँछ ।
एक टुक्रा अदुवालाई मसिनो गरी पिस्नुहोस् र त्यसमा एक चम्चा मह मिसाएर बिहान र बेलुका खानुहोस् । यसले अनुहारको छालाको कसिलो बनाउने कोलेजेसनलाई टुट्नबाट बचाउँछ । यसले अनुहारमा धर्सा आउन र छला झोल्लिनबाट जोगाउँछ ।
साँझ एक मुठी बदाम काँचो दूधमा भिजाउनुहोस् । बिहान उठेपछि बोक्रा फालेर आल्मोन्ड पिस्नुहोस् र पेस्टलाई अनुहारमा दल्नुहोस् । आधाघन्टापछि अनुहार मन तातो पानीले सफा गर्नुहोस् । तपाईँको छला जवान व्यक्तिको जस्तै देखिन्छ ।
जैतुनको तेलले अनुहार सफा गर्नुहोस् । यो तेलमा भिटामिन ए र ई हुन्छ जसले छालालाई कसिलो बनाउँछ ।
पाकेको मेवालाई पिसेर त्यसमा दुई चम्चा मह मिसाएर अनुहारमा दल्ने। १० मिनेटपछि मन तातो पानीले अनुहार सफा गर्नुहोस्। नियमित रूपमा यो अभ्यास गर्दा अनुहारको छाला कसिलो हुन्छ।
कागतीमा साई ट्रिक एसिड हुन्छ । कागतीको रसलाई दही वा महमा मिलाएर अनुहारमा लगाउनुहोस्। अनुहारमा छालामा सुक्न लागेको कोषलाई बलियो बनाउनुको साथै कोष वृद्धि गर्छ।
लामो समयसम्म सिरानीमा अनुहार पारेर नसुत्नुहोस्। बरु सदा उत्तानो पर्नुहोस्, ताकी अनुहारको कोषमा केही असर नपुगोस्।
