नेपाल कम्युनिष्ट पार्टी (नेकपा) को सिन्धुली पार्टी कार्यालयमा केन्द्रीय सदस्य महेश बस्नेतको टोलीले ताला लगाएको छ ।
तराईका जिल्लाहरु हुँदै सिन्धुली पुगेका केपी शर्मा ओली समूहका नेता बस्नेतको टोलीले पार्टी कार्यालयमा ताला लगाएको हो ।
पार्टी कार्यालयमा ताला लगाएर चाबी जिल्ला पार्टी सचिव महेन्द्र श्रेष्ठलाई बुझाएका छन् । श्रेष्ठ तत्कालीन एमालेका अध्यक्ष र पार्टी एकतापछि जिल्ला सचिव थिए । त्यहाँ पुष्पकमल दाहाल प्रचण्ड र माधवकुमार नेपाल समूहका नेता राजन दाहाल जिल्ला अध्यक्ष छन् ।
ताला लगाएको कार्यालय तत्कालीन एमालेको कार्यालय हो । पार्टी एकीकरणपछि त्यही कार्यालयबाट जिल्ला पार्टी कमिटी चल्दै आएको थियो ।
यसअगाडी काठमाडौंमा रहेको नेकपाको केन्द्रीय कार्यालय र काभ्रेको पार्टी कार्यालयमा पनि ओली पक्षकाले तालाबन्दी गरेर साँचो आफ्नो हातमा लिएका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
