बझाङको केदार स्युँ गाउँपालिका–८ मल्लेस गाउँमाथिबाट आएको पहिरोले १७ घर पुरिएर मृत्यु हुनेको संख्या ६ पुगेको छ ।
यस्तै १ जना अझै बेपत्ता छन् ।
पहिरोले पुरिएर केदार स्युँ गाउँपालिका–८ का ४२ वर्षीय राममती देवी जेठारा, उनका ११ वर्षीय छोरा प्रयाग जेठारा र ७ वर्षीय छोरी अस्मीता जेठाराको श व फेला परेको छ ।
यस्तै सोही ठाउँका ८० वर्षीय दले जेठाराको पनि श व फेला परेको सूदूरपश्चिम प्रदेश प्रहरी कार्यालयका एसएसपी मुकेश एसएसपी सिंहले बताएका छन् ।
त्यस्तै अहिले फेरि राममति जेठाराकी १५ वर्षीया छोरी शान्ति जेठारा र स्थानीय नवराज जेठाराकी छोरी १४ वर्षीय सन्तु जेठाराको श-व फेला परेको प्रहरीले जनाएको छ । त्यस्तै, २ वटा गाई, ३ भैसी र ८ वटा बाख्रा पनि भेटिएको छ । शुक्रबार अविरल बर्षासँगै आएको पहिरोले पुरिँदा ६ जनाको मृत्यु भएको छ भने १ जना अझै बेपत्ता छन् ।
घरहरु पुरिएपछि गाउँमा बसोबास गर्ने मानिसहरुको बिचल्ली भएको छ ।
पहिरो गएको उक्त गाउँमा ३० देखि ४० घरधुरी रहेको उक्त गाउँपालिकाका प्रमुख प्रसासखीय अधिकृत धनराज जोशीले बताए ।
र यो पनि पढ्नुहोस् :
