काठमाडौं । प्रधानमन्त्री बालेनले विपत्ति तथा चुनौतीका समयमा धैर्य नगुमाई आफ्नो जिम्मेवारी र कर्तव्यप्रति पूर्ण निष्ठाका साथ अघि बढ्न सबैलाई आग्रह गरेका छन्।
श्रीकृष्ण जन्माष्टमीको अवसरमा शुभकामना सन्देश जारी गर्दै प्रधानमन्त्री बालेनले विपत्ति र चुनौतीले मानिसको धैर्य तथा कर्मको परीक्षा लिने बताएका हुन्।
उनले कठिन परिस्थितिमा आफ्नो जिम्मेवारी इमानदारी र पूर्ण निष्ठाका साथ निर्वाह गर्नु नै भगवान् श्रीकृष्णले दिएको कर्मयोगको वास्तविक सन्देश भएको उल्लेख गरेका छन्।
प्रधानमन्त्री बालेनले जन्माष्टमीका अवसरमा सबै नेपालीलाई कर्तव्यपथमा दृढतापूर्वक अघि बढ्न आवश्यक धैर्य, शक्ति र प्रेरणा प्राप्त होस् भन्ने शुभकामना व्यक्त गरेका छन्।
उनले देशवासी तथा सम्पूर्ण नेपालीको सुख, शान्ति, समृद्धि र सफलताको कामना गर्दै श्रीकृष्ण जन्माष्टमीको हार्दिक शुभकामना दिएका छन्।
