काठमाडौं । रसुवा बाढी तथा त्यसबाट प्रभावित विभिन्न जिल्लामा फेला परेका शवको संख्या ९३९ पुगेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार सोमबार साँझ ६ बजेसम्म ९३९ जनाको शव फेला परेको हो ।
प्राधिकरणका अनुसार सबैभन्दा धेरै चितवनमा २७९ शव फेला परेका छन् । यस्तै, पूर्वी नवलपरासीमा २१६, पश्चिम नवलपरासीमा १६९, नुवाकोटमा ९५, गोरखामा ६५, धादिङमा ५५, तनहुँमा ३८ र रसुवामा २३ जनाको शव फेला परेको छ ।
साँझसम्मको विवरणअनुसार ३ हजार ९२५ जना अझै सम्पर्कविहीन छन् ।
प्राधिकरणका अनुसार बाढी तथा विपद्का घटनामा २७९ जना घाइते भएका छन् । घाइतेमध्ये १६८ जना उपचारपछि अस्पतालबाट डिस्चार्ज भइसकेका छन् ।
यस्तै, उद्धार तथा राहतका क्रममा नेपाली सेनाले हालसम्म २ हजार ७०० जनाको उपचार गरेको प्राधिकरणले जनाएको छ ।
