काठमाडौं। रसुवाको भोटेकोशी नदीमा आएको बाढीपछि ज्यान गुमाएका व्यक्तिका शव पहिचान र बुझ्न आफन्तहरू विभिन्न अस्पताल पुग्ने क्रम बढेको छ ।
काठमाडौंको महाराजगञ्जस्थित त्रिवि शिक्षण अस्पताल (टिचिङ) मा शव पहिचान तथा बुझ्न आफन्तहरू प्रतीक्षामा छन् । बाढीमा परी घाइते भएकाहरूको स्वास्थ्य अवस्था बुझ्न र उपचारबारे जानकारी लिन पनि अस्पतालमा आफन्त तथा सर्वसाधारणको भीड लागेको छ ।
विपत्तिमा परिवारका सदस्य गुमाएका र घाइते भएका व्यक्तिका आफन्त अस्पतालका विभिन्न विभागमा पुगेर आफ्ना प्रियजनबारे जानकारी खोजिरहेका छन् । शव पहिचान र उपचारबारे स्पष्ट जानकारी नपाउँदा कतिपय परिवारजन अन्योलमा समेत परेका छन् ।
