काठमाडौँ । प्रधानमन्त्री सुशीला कार्कीले आगामी सरकारले भदौ २३ र २४ को घटनाबारे गठित जाँचबुझ आयोगको प्रतिवेदन कार्यान्वयन गर्ने बताएकी छन् ।
आज बिदाइ मन्तव्य दिँदै प्रधानमन्त्री कार्कीले आयोगको प्रतिवेदनले दिएका सिफारिस र सुझावका सन्दर्भमा आगामी सरकारले आवश्यक कदम चाल्ने बताएकी हुन् ।
उनले सन्तुष्टि र आशा बोकेर आफू बिदा हुँदै गरेको उल्लेख गर्दै तोकिएको मितिमै निर्वाचन सम्पन्न गर्न भूमिका निर्वाह गर्ने आयोग, सुरक्षा निकाय तथा सरकारी निकायका सबै अधिकारीहरूलाई धन्यवाद दिएकी छन् ।
उनले निर्वाचन सम्पन्न भएसँगै नेपालले आफ्नो समस्या आफैँ सामना गर्न सक्छौँ भन्ने प्रमाणित गर्न सफल भएका बताइन् । यस्तै, कुनै दलले बहुमत ल्याउन सक्दैनन् भन्ने भाष्यलाई यो चुनावले गलत प्रमाणित गरिएको उनले बताएकी छन्।
