काठमाडौँ । नेपाली काँग्रेसका सभापति गगनकुमार थापाले सार्वजनिक पदमा रहेका व्यक्तिहरूको सम्पत्ति विवरणको समग्र छानबिनका लागि छुट्टै आयोग गठन गर्नुपर्ने धारणा व्यक्त गरेका छन्।
नेपाली काँग्रेसको केन्द्रीय कार्यसमिति बैठकमा बोल्दै उनले विगतका विभिन्न कालखण्डमा सरकार सञ्चालनमा सहभागी भएका र सार्वजनिक जीवनमा संलग्न व्यक्तिहरूको सम्पत्ति पारदर्शी रूपमा परीक्षण गर्न आवश्यक रहेको बताए।
उनका अनुसार यदि अनियमित तरिकाले आर्जित सम्पत्ति पुष्टि भएमा कानुनी प्रावधानअनुसार जफत गर्नुपर्ने व्यवस्था गरिनु उपयुक्त हुने उल्लेख गरे।
थापाले आगामी सरकार गठनको सन्दर्भ उल्लेख गर्दै राष्ट्रिय स्वतन्त्र पार्टी ले समेत सम्पत्ति छानबिनसम्बन्धी संरचना निर्माण गर्ने प्रतिबद्धता व्यक्त गरेको प्रसंग जोड्दै, नयाँ सरकारले उक्त विषयलाई प्राथमिकतामा राख्नुपर्ने धारणा राखे।
उनले यस्तो प्रकृतिको आयोग स्थापना गरिएमा आफ्नो दलबाट आवश्यक सहयोग उपलब्ध हुने संकेतसमेत दिएका छन्।
