काठमाडौं । बाढीका कारण अवरुद्ध पृथ्वी राजमार्गअन्तर्गतको गल्छी–मलेखु सडकखण्ड आंशिक रूपमा सञ्चालनमा आएको छ।
भौतिक पूर्वाधारमन्त्री सुनिल लम्सालका अनुसार सडकमा थुप्रिएको लेदो पन्छाएपछि पहिलो चरणमा अत्यावश्यक सवारीसाधनलाई आवागमनको अनुमति दिइएको हो।
राजमार्गमा अलपत्र परेका सवारीसाधनलाई समेत सुरक्षित गन्तव्यतर्फ पठाइएको छ। लेदो हटाउने तथा सडक सफा गर्ने काम जारी राख्दै पृथ्वी राजमार्गलाई क्रमशः पूर्ण रूपमा सञ्चालनमा ल्याउने प्रयास भइरहेको मन्त्री लम्सालले जानकारी दिए।
