चितवन, ३० भाद्र । नारायणगढ मुग्लिन सडकखण्डको सिमलतालमा ट्रक दुर्घटना भएको छ ।
आइतबार बिहान ना ६ ख ६२८३ नम्बरको ट्रक त्रिशूलीमा किनारमा खसेको हो । यसअघि यही ठाउँबाट दुई यात्रुवाहक बस त्रिशूलीमा खसेका थिए । गत असार २८ गते सिमलताल क्षेत्रबाट दुईवटा बस त्रिशूली नदीमा खस्दा ६२ जना यात्रुहरुमध्ये २४ जनाको मात्र शव भेटिएको थियो ।
दुर्घटना भएको ट्रक आरएमसी कम्पनीको खाने तेल बोकेको ट्रक रहेको र ट्रकका चालक र सहचालकको अवस्था अहिलेसम्म अज्ञात रहेको प्रहरीले जानकारी दिएको छ ।
दुर्घटना बारे थप विवरण आउन बाँकी रहेको छ ।
