बिर्तामोड (झापा), ५ भाद्र । घरमा लुकाएर राखेको कटुवा पेस्तोलसहित एक व्यक्तिलाई प्रहरीले पक्राउ गरेको छ ।
जिल्लाको अर्जुनधारा-४ दहिझोडा बस्ने ईन्द्र बहादुर आङ्देम्बेलाई इलाका प्रहरी कार्यालय अनारमनीबाट खटिएको प्रहरी टोलीले मंगलबार साँझ ८:०० बजे पक्राउ गरेको हो ।
अवैध रुपमा हातहतियार लुकाई छिपाई राखेको भन्ने सुचनाको आधारमा प्रहरी आङ्देम्बेको घर पुगेको थियो ।
खोजतलास गर्ने क्रममा घर परिसरमा रहेको कुखुराको खोरको कासको छानो भित्र पहेलो प्लास्टिकमा पोका पारेर राखेको अवस्थामा कटुवा पेस्तोल बरामद गरिएको झापा प्रहरी प्रवक्ता डिएसपी कृष्ण कुमार चन्दले बताए ।
हातहतियार बरामद भएसँगै उनलाई नियन्त्रणमा लिएर इलाका प्रहरी कार्यालय अनारमनीमा राखेर अनुसन्धान भइरहेको प्रहरीले जनाएको छ ।
केहीदिन अगाडि झापाको दमकबाट प्रहरीले एक व्यक्तिलाई पेस्तोल र त्यसमा लाग्ने दुईवटा म्याग्जिनसहित पक्राउ गरेको थियो ।
