दमक (झापा), २८ श्रावण । मेड ईन इटाली लेखेको पेस्तोल त्यसमा प्रयोग हुने दुईवटा म्याग्जिन सहित प्रहरीले झापाको दमकबाट एक व्यक्तिलाई पक्राउ गरेको छ ।
आइतबार दिउँसो दमक-५ बानेश्वर हाईट मार्ग जाने भित्री सडक को.३८ प. ५६४९ नम्बरको स्कुटरमा रहेका व्यक्तिको साथबाट उक्त पेस्तोल बरामद भएको जिल्ला प्रहरी कार्यालय झापाका प्रवक्ता प्रहरी नायव उपरीक्षक (डिएसपी) कृष्ण कुमार चन्दले बताए ।
स्कुटरमा सवार दमक-८ बस्ने बर्ष ३६ को संजिव गजमेरलाई प्रहरीले पक्राउ गरेको छ । उनको खानतलासी गर्दा पेन्टको पछाडीको गोजीमा सोही पेस्तोलमा लाग्ने दुईवटा म्याग्जिन बरामद भएको हो ।
‘स्कुटरको अगाडि चावी लगाउने भागको तल सामान राख्ने खाली भागमा पेस्तोल लुकाएको रहेछ, गोजीमा म्यग्जिन समेत भेटिएपछी हामीले स्कटुरसहित ती व्यक्तिलाई पक्राउ गरेका हौं ।’ डिएसपी चन्दले केटिएम दैनिकलाई बताए ।
पेस्तोलमा मेड इन इटाली लेखिएको छ भने उक्त पेस्तोल राख्ने खैरो रङको कभरसमेत बरामद भएको प्रहरीले जनाएको छ ।
पक्राउ परेका गजमेरलाई ईलाका प्रहरी कार्यालय दमकमा राखेर थप अनुसन्धान भइरहेको बताइएको छ ।
