ताप्लेजुङ । नेपाल शिक्षक सङ्घ ताप्लेजुङको अध्यक्ष पदमा रामप्रसाद (लाबुङ) लिम्बू चयन भएका छन् ।
गए राति सम्पन्न नवौं जिल्ला अधिवेशनबाट लिम्बूको अध्यक्षतामा २९ सदस्यीय कार्यसमिति सर्वसम्मत चयन भएको हो । संघको उपाध्यक्षमा भक्तबहादुर लिम्बू, महिला उपाध्यक्षमा रीता सेनेहाङ र सचिवमा चन्द्रमणि पौडेल रहेका छन् ।
यस्तै, सचिवमा विजयकुमार थापा र सहसचिवमा अनिल बानियाँ रहेका छन्। महिला सहसचिवमा एलिसा केदेम, अर्थ सहसचिवमा देवीमाया थापा, समावेशी सहसचिवमा दिलेन्द्र गुरुङ र भीमकुमार लिम्बू सर्वसम्मत चयन भएका छन्।
प्रदेश प्रतिनिधिमा छ जना र सङ्घीय प्रतिनिधिमा दुई महिलासहित छ जना नै चयन भएका शिक्षक सङ्घका प्रदेश प्रतिनिधि ज्ञानु घिमिरेले जानकारी दिए । उनका अनुसार राति अबेर सकिएको अधिवेशनमा जिल्लाभरबाट सात सय १७ शिक्षक प्रतिनिधि सहभागी थिए ।
कोभिडलगायतका कारण छ वर्षपछि जिल्ला अधिवेशन भएको हो । नेपाली कांग्रेस ताप्लेजुङ सभापति गजेन्द्रप्रसाद तुम्याहाङले शुक्रबार अधिवेशनको उद्घाटन गरेका थिए।
