काठमाडौं । बागमती प्रदेशमा मंगलबारदेखि सवारी चालक अनुमतिपत्र (लाइसेन्स)को नयाँ मापदण्ड लागु भएको छ ।
ट्रायलमा ७० अंक ल्याए पनि पास हुने नियम लागु भएको हो । अब बागमती प्रदेशमा रहेका यातायात व्यवस्था कार्यालयमध्ये सवारी चालक अनुमति प्रदान गर्ने सम्पूर्ण सेवा केन्द्रहरुले एकैपटक ७० अंकमा ट्रायल पास हुने व्यवस्था गर्नेछन् ।
यसअघि वाग्मती प्रदेशले पटकपटकको प्रास गर्दा पनि यो प्रणाली लागु गर्न सकेको थिएन। फागुन १ गतेदेखि लागु गर्ने गरी निर्णय भएपनि सार्वजनिक बिदा परेकाले आजदेखि सुरु गरिएको पोखरेल बताउँछन्।
यस्तो प्रणाली लागु गर्न नसक्दा ट्रायलका बेला हुने सामान्य त्रुटिमा पनि फेल गराउँदा लाइसेन्स वितरणमा ढिलाइ हुनुको साथै चालकहरूले अवैधानिक रूपमा लाइसेन्स निकाल्ने घटना बढेको थियो।
७० प्रतिशतको व्यवस्थाले चालक अनुमतिपत्र प्राप्त गर्दा हुने झन्झटलाई न्यूनीकरण गर्ने अपेक्षा वाग्मती प्रदेशको छ।