राष्ट्रिय क्रिकेट टिमको कप्तानबाट निलम्बनमा परेका सन्दीप लामिछानेको मुद्दा हेरिरहेका अधिवक्ता सरोज घिमिरेले नेपाल क्रिकेट एशोसियन सिध्याउनको लागि केही खुङ्खार खेलाडीहरू लागि परेको बताएका छन् ।
नाबालिग बलात्कारको आरोपमा पुर्पक्षमा रहेका सन्दीप लामिछानेको मुद्दा हेरिरहेका घिमिरेले बुधबार बेलुका सामाजिक सञ्जालबाट क्यान र खेलाडीहरूलाई सिध्याउनको लागि वर्तमान एवं पूर्व खुङ्खार खेलाडीहरू लागेको बताएका हुन् ।
उनले केही गोप्य सूचनाहरू चाँडै नै बाहिर आउने तरखरमा रहेको समेत जनाएका छन् । उनले लेखेका छन्, “नेपाली क्रिकेटभित्र स्पट फिक्स गर्ने/ गर्न लगाउने, क्यान र खेलाडीलाई सिध्याउन लागिपर्ने वर्तमान एवं पूर्व खुङ्खार खेलाडीहरू देखिन्छन् ।”
नेपाली क्रिकेटभित्र स्पट फिक्स गर्ने/गर्न लगाउने, CAN र खेलाडीलाई सिध्याउन लागिपर्ने वर्तमान एवं पूर्व खुङ्खार खेलाडीहरु देखिन्छन् । कन्स्पिरेसीका केही गोप्य सूचनाहरु चाँडै बाहिर आउने तरखरमा…..अनुमति दिन बाँकी….
— Saroj K Ghimire (@SarojKGhimire) January 4, 2023