काठमाडौँको नक्सालमा सोमबार गरिएको विशेष चेकिङका क्रममा मापदण्डभन्दा बढी धुँवा फाल्ने २२ वटा सवारी साधनका चालक लाई कारवाही गरिएको छ ।
मापदण्डभन्दा बढी फाल्ने भाडाका बस, माइक्रो, ट्याक्सी र निजी चारपाङग्रे सवारी साधनका चालक कारवाहीमा परेको काठमाडौँ उपत्यका ट्राफिक प्रहरी कार्यालय रामशाहपथका प्रवक्ता एवम् वरिष्ठ प्रहरी उपरीक्षक राजेन्द्र प्रसाद भट्टले जानकारी दिए।
वातावरण विभाग बबरमहल तथा काठमाडौँ उपत्यका ट्राफिक प्रहरी कार्यालयबाट संयुक्त रुपमा खटिएको टोलीले सोमबार दिउँसो नक्सालमा ४२ वटा सवारी साधनलाई चेक गर्दा २२ वटा कारवाहीमा परेको प्रवक्ता भट्टले बताए ।
सवारी साधन मर्मत पश्चात तोकिएको जरिवाना तिरी ट्राफिक प्रहरीले नियन्त्रणमा लिएका कागजपत्र फिर्ता दिइने जनाइएको छ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
