काठमाडौंमा ट्याक्सीमा यात्रा गर्ने क्रममा छुटेको ल्यापट सम्वन्धित व्यक्तिलाई बुझाइएको छ ।

बिहीबार त्रिभुवन अन्तर्राष्ट्रिय विमानस्थलबाट बानेश्वरको थापागाउँ हाइटसम्म यात्रा गर्ने क्रममा ट्याक्सीमा ल्यापटप सहितको झोला छुटेको थियो ।

यात्रु दुर्गा पंछाईले शुक्रबार काठमाण्डौ उपत्यका ट्राफिक प्रहरी कार्यालय रामशाहपथमा ट्रयाक्सीमा आफ्नो झोला छुटेको भनि निवेदन दिएपछि प्रहरीले खोजतलास गर्ने क्रममा उक्त ट्याक्सी बा २ ज ११८० नम्बरको भएको पहिचान गरेको थियो ।

ट्राफिकले ट्याक्सीको पहिचान गरेपछि चालकबाट झोला र सो झोलामा भएको ल्यापटप सोही दिन काठमाडौं उपत्यकाका ट्राफिक कार्यालयमा सम्वन्धित व्यक्तिलाई फिर्ता गरिएको हो । ट्राफिक प्रहरीले सवारी साधनमा यात्रा गर्दा आफ्नो सामान छुटेको भए ट्राफिक प्रहरीमा निवेदन दिन पनि भनेको छ ।