ललितपुर ३ मा राष्ट्रिय स्वतन्त्र पार्टीकी उम्मेदवार डा. तोसिमा कार्कीको उम्मेदवारी रद्द गर्ने आफ्नो निर्णय सर्वोच्च अदालतले कार्यान्वयन नगर्न आदेश दिएपछि निर्वाचन आयोग सर्वोच्च पुगेको छ । कार्कीको उम्मेदवारी खारेज हुनुपर्ने माग दाबी लिएर आयोग शुक्रबार सर्वोच्च पुगेको हो ।

कार्कीको लाभको पदमा रहेको भन्दै आयोगले उनको उम्मेदवारी खारेज गरेको थियो । त्यसविरुद्ध कार्की सर्वोच्च गएकी थिइन् । सर्वोच्चले आयोगलाई निर्णय कार्यान्वयन नगर्न अन्तरिम आदेश दिएर उनको उम्मेदवारी कायम गरेको थियो ।

उम्मेदवारी खारेज गर्ने आफ्नो निर्णय सही भएको निष्कर्षसहित आयोग पनि सर्वोच्च पुगेको हो । लाभको पदका विषयमा सर्वोच्च अदालतले गरेको व्याख्यामा आयोगले असहमति जनाएको छ ।