चुनावी कार्यक्रममा सहभागी भएका नेपाली कांग्रेसका नेता डा. शंशाक कोइराला अस्वस्थ भएका छन् ।
नवलपरासीको चुनावीसभामा सहभागी भएका कोइराला भाषण गर्ने क्रममा एकाएक बोल्न नसक्ने अवस्थामा पुगेपछि तत्काल उपचारका लागि चितवन ल्याइएको छ । कोइराला नवलपरासी पूर्व–१ बाट उम्मेदवार रहेका छन् ।
‘चुनावी भाषण गर्दैगर्दा उहाँ बोल्नै सक्नु भएन, बेहोसजस्तै हुनुभयो,’ कांग्रेसका स्थानीय नेताले भने, ‘त्यसपछि चितवन मेडिकल कलेजमा उपचारका लागि ल्याएका हौँ । अहिले अवस्था सामान्य भइसकेको छ ।’
अस्पतालमा एमआरआई र सीटी स्क्यान गरिएको उनले बताए । उनको स्वास्थ्य अवस्था अहिले सुधारोन्मुख रहेको बताइएको छ ।