नेकपा एमालेको तर्फबाट काठमाडौं-६ मा प्रतिनिधिसभा सदस्य उम्मेदवार सर्वेन्द्र खनालले आफू व्यक्तिगत जीतको लागी नभएर एमालेको विजयका लागि राजनीतिमा लागेको बताएका छन् ।
नेकपा एमाले काठमाडौँ ६ प्रदेश (ख) निर्वाचन परिचालन कमिटी घोषणा कार्यक्रमलाई सम्बोधन गर्दै खनालले गठबन्धनले देशलाई बर्बादीको दिशातर्फ लैजान खोजेको कारण एमालेलाई जिताउन अपिल गरेका हुन् ।
शनिबार दियालो फुडल्याण्डमा भएको चुनावी कार्यक्रममा एमाले केन्द्रीय सदस्य केशव स्थापित उपस्थित थिए । त्यस्तै कलाकार उत्तम केसीले सर्वेन्द्र खनाल जस्तो उम्मेदवार पाउनु गर्वको कुरा रहेको बताएका थिए ।
कार्यक्रममा प्रदेशसभा (ख) उम्मेदवार अमनकुमार मास्केले विकास र समृद्धिका लागि जिम्मेवारीपूर्वक लाग्ने प्रतिबद्धता व्यक्त गरेका थिए ।
७५ हजारको फौजी संगठन हाँकेर अवकाश पाएका खनाललाई एमालेको सत्ता समीकरण जोगाइदिन सांसद ‘अपहरण’ गरेको आरोप लाग्यो। २०७६ फागुन अन्तिममा सेवानिवृत्त खनाल २०७७ वैशाखको पहिलो साता नै तत्कालीन संघीय समाजवादी पार्टीका सांसद सुरेन्द्र यादवलाई महोत्तरीस्थित उनको घरबाटै जबर्जस्ती काठमाडौं ल्याउन सक्रिय भएका थिए।
प्रहरीमा रहँदा गुण्डा, तस्कर, भ्रष्टाचारी , माफिया, दलाल र अपराधीहरूलाई दण्डित गर्न कुनै कसुर नराखेका खनालको उम्मेदवारीप्रति आम जनता पनि सकारात्मक छन् ।
खनालले आफ्नो उम्मेदवारी कुनै पनि राजनीतिक दलका नेताकोविरुद्ध नभई देशको भ्रष्टाचार, परनिर्भरता, युवाशक्ति पलायन र गरिबीविरुद्ध उभिएर समृद्ध नेपाल, सुखी नेपालीको महा अभियानलाई सफल तुल्याउनका लागि भएको बताएका छन् । अब्बल कार्यपालिका बनाउनका लागि खनालले ‘हाम्रो भन्दा राम्रो’ व्यक्तिलाई चुन्न आग्रह पनि गरेका छन् ।
