काठमाडौं निर्वाचन क्षेत्र नं. १ का विवेकशील साझा पार्टीका नेता पुरुषोतम ढुंगेल नेपाली कांग्रेसका प्रवेश गरेका छन् । उनलाई आज एक कार्यक्रमको आयोजना गरी कांग्रेस नेता प्रकाश मान सिंहले नेपाली कांग्रेसमा प्रवेश गराएका हुन् ।
२०७४ सालको प्रदेश सभा निर्वाचनमा उनी काठमाडौ क्षेत्र नं १ ‘ख’ मा विवेकशील साझाबाट उम्मेदवार बनेका थिए । अघिल्लो चुनावमा काठमाडौं क्षेत्र नं १ ‘ख’ मा नेपाल कम्युनिस्ट पार्टी एमालेका गणेश प्रसाद दुलाल ४,२४२ मतका साथ निर्वाचित हुँदा ढुंगेल २,७२५ मतका साथ तेस्रो स्थानमा रहेका थिए ।