कान्ति बाल अस्पताल विकास समितिका कर्मचारीहरु आन्दोलनमा उत्रिएका छन् । २४ बुँदे माग राख्दै उनीहरु आन्दोलनमा उत्रिएका छन् ।
उनीहरुले अस्पतालका कार्यकारी निर्देशक र लेखा अधिकृतलाई तत्काल हटाउनुपर्ने, ज्यालादारी तथा करारका कर्मचारीहरुलाई २४ घण्टाभित्र नविकरण गर्नुपर्ने, स्थायी कर्मचारीहरुको सावधिक बीमा योजना तत्काल लागू गर्नुपर्ने, दरबन्दीका अनियमित नियुक्तिहरु खारेज गर्नुपर्ने लगायतका २४ बुँदे माग राख्दै आन्दोलनमा उत्रिएका हुन् । मागहरु पुरा गर्नका लागि उनीहरुले १ हप्ताको अल्टिमेटम दिएको छन् ।
बुधबारदेखि विरोधस्वरुप कालोपट्टी लगाएर काम गरिरहेका उनीहरुले माग पूरा गर्न अस्पताल नेतृत्वलाई १ हप्ताको अल्टिमेटम दिएको छन् ।
आगमी २१ भदौसम्ममा माग पूरा नभए कार्यकारी निर्देशक र लेखा प्रमुखको कार्यकक्षमा तालाबन्दी गर्ने अन्दोलनरत कर्मचारीहरुको भनाई छ ।
आन्दोलनरत कर्मचारीहरुले आफ्ना मागका बारेमा स्वास्थ्य तथा जनसंख्या मन्त्रालयका मन्त्री सचिवहरुलाई भेटेर जानकारी समेत गराइसकेका छन् ।