दुबई पठाइदिन्छु भन्दै विभिन्न व्यक्तिबाट ३८ लाख रुपैयाँ लिइ फरार भएका व्यक्तिलाई प्रहरीले पक्राउ गरेको छ ।
प्रहरीले ठगी गरेको अभियोगमा नवपलरासी(पश्चिम) प्रतापपुर गाउँपालिका-२ गोपिगञ्ज घर भई काठमाडौं गोंगबु बस्ने ५४ वर्षीय भोज बहादुर चौधरीलाई शुक्रबार पक्राउ गरेको हो ।
दुबई पुगेपछि आर्मस गार्डमा नगद १ लाख रुपैयाँ तलबमा काम लगाइदिन्छु भनी प्रलोभनमा पारी पीडितहरूबाट ३८ लाख रुपैयाँ लिई फरार रहेका चौधरी विरुद्ध पीडित व्यक्तिहरूले वैदेशिक रोजगार विभागमा उजुरी दिएका थिए ।
विभागले काठमाडौं उपत्यका अपराध अनुसन्धान कार्याललाई खोजि गरिदिन पत्रकार गरेपछि मिनभवनबाट खटिएको प्रहरीले उनलाई काठमाडौंको सामाखुशीबाट पक्राउ गरेको हो ।
पक्राउ परेका चौधरीलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर पठाइएको उपत्यका अपराध अनुसन्धान कार्यालयका प्रवक्ता एसपी कृष्ण प्रसाद कोईरालाले बताए ।