राप्रपा नेपालका अध्यक्ष कमल थापाले धर्म परिवर्तन मुलुकमा डढेलोसरी फैलिएको बताएका छन् । आज बिहान सामाजिक सञ्जालमार्फत् थापाले यस्तो विचार व्यक्त गरेका हुन् । ‘धर्म परिवर्तनको डढेलोबाट सनातन धर्म संस्कृति र परम्पराको रक्षा गरौँ,’ उनले ट्वीटरमा लेखेका छन् । थापाले गणतन्त्र र राजतन्त्रको विवाद आवश्यक नरहेको पनि जिकिर गरेका छन् ।
गणतन्त्रवादी र राजावादी सबै मिलेर देश बचाउनु र बनाउनु अहिलेको आवश्यकता रहेको उनको भनाइ छ । ‘गणतन्त्र र राजतन्त्रको विवाद आवश्यक छैन । गणतन्त्रवादी र राजावादी सबै मिलेर देश बचाउनु र बनाउनु अहिलेको आवश्यकता हो,’ थापाको भनाइ छ ।
‘लोभ, लालच र प्रलोभनका आधारमा गरिएको धर्म परिवर्तन तत्काल रोकिनु पर्छ’ भन्दै थापाले लामो समयदेखि सरकारको ध्यानाकर्षण गराउँदै आइरहेका छन् । एकातिर बाह्य शक्तिको प्रभाव र अर्कोतिर धर्म परिवर्तनको डढेलोले सिंगो मुलुकनै संकटमा पर्ने भन्दै थापाले विभिन्न सार्वजनिक कार्यक्रममा बोल्दै आइरहेका छन् ।
शुभ प्रभात। आमचुनाव ९५ दिन बाँकी pic.twitter.com/RX0uYoPI8g
— Kamal Thapa (@KTnepal) August 17, 2022
नेपाल हिन्दु, बौद्ध र किराँत धर्मको उद्गमस्थल भएको बताउँदै थापाले धार्मिक मूल्य, मान्यता र आस्थाको आधारमा नेपाललाई विश्वकै जेठो र सम्पन्न मुलुकका रुपमा चित्रण गरिनुपर्ने उनको भनाई छ ।
