उदयपुरको त्रियुगा नगरपालिकाको मेयरमा नेपाली कांग्रेसका उम्मेदवार वसन्त बस्नेत निर्वाचित भएका छन्।
सोमबार सम्पन्न मतगणनाअनुसार, उनी नेकपा (एमाले)का भागवत राउतलाई दुई हजार ८६ मतले पराजित गर्दै मेयरमा निर्वाचित भएका हुन्। उनले १३ हजार ९५९ मत पाए भने एमालेका राउतले ११ हजार ८७३ मत पाए।
नेकपा (एकीकृत समाजवादी)का बलदेव चौधरी तेस्रो नम्बरमा रहे। उनले नौ हजार १४७ मत पाए।
उपमेयरमा भने एमालेकी उम्मेदवार महेश्वरी राई निर्वाचित भएकी छन्। उनले १३ हजार ७०३ मत पाएकी छन्। उनकी प्रतिस्पर्धी कांग्रेसकी उम्मेदवार सरिता राईले ११ हजार ९८१ मत पाइन्।
त्यस्तै, नेकपा (माओवादी केन्द्र) की उम्मेदवार गीता खड्का (कार्की) ले ६ हजार ५६८ मत पाइन्।
बैशाख ३० गते सम्पन्न स्थानीय तह निर्वाचनबाट ७५३ मध्ये बाजुराको बूढीगङ्गा बाहेक अन्यको अन्तिम परिणाम आइसकेको छ । बाजुराको बूढीगङ्गा नगरपालिकामा मतदान हुन बाँकी छ ।
