स्थानीय तह निर्वाचन सकिएको पनि आज ११ दिन भइसक्यो तर पनि सम्पूर्ण स्थानीय तहको निर्वाचनको अन्तिम मतपरिणाम सार्वजनिक भैसकेको छैन ।
बुधबार बिहान यो समाचार तयार पार्दासम्म सात वटा स्थानीय तहको नतिजा सार्वजनिक हुन बाँकी रहेको छ ।
निर्वाचन आयोगका अनुसार प्रदेश १ मा दुई वटा नगरपालिका मधेश प्रदेशको एक, लुम्बिनी प्रदेशका तीन र बागमती प्रदेशको एक स्थानीय तहको नतिजा सार्वजनिक हुन बाँकी छ ।
प्रदेश १ को उदयपुर जिल्लामा रहेका त्रियुगा र कटारी नगरपालिका, मधेश प्रदेशको रौटहटको गरुडा नगरपालिकाको अन्तिम मतपरिणाम सार्वजनिक हुँन बाँकी नै छ ।
त्यस्तैगरी लुम्बिनी प्रदेशको दाङ जिल्लामा रहेको तुल्सीपुर उपमहानगरपालिका, रुपन्देही जिल्लाको तिलोत्तमा नगरपालिका र कपिलवस्तु जिल्लाको महाराजगंज नगरपालिकामा पनि मतगणना भैरहेको छ ।
काठमाडौं जिल्लाको काठमाडौं महानगरको पनि मतगणना कार्य जारी छ ।
