मोरङको रंगेली नगरपालिकाको प्रमुखमा दिलिप अग्रवाल (बगडीया) दोस्रोपटक निर्वाचित भएका छन् ।
२०७४ सालको स्थानीय तह निर्वाचनमा अग्रवाल माओवादी केन्द्रबाट मेयरमा निर्वाचित भएका थिए । उनी गत फागुनमा २५ मा नेकपा एमाले प्रवेश गरेका हुन् ।
केपी शर्मा ओलीले पार्टी प्रवेश गराएका अग्रवाललाई एमाले रंगेली नगर कमिटीले सर्वसम्मत् मेयरको उम्मेद्वार बनाउन सिफारिस गरेको थियो । उनै अग्रवाल ३८ सय मतान्तरले विजयी भएका हुन् ।
अग्रवालले १२ हजार ८६१ मत पाएर निर्वाचित हुँदा उनका निकटतम् प्रतिस्पर्धी नेपाली कांग्रेसका मोदराज घिमिरेले ९ हजार ६१ मत प्राप्त गरे ।
उपप्रमुखमा पनि एमालेकी भुमा कुमारी पराजुली ११ हजार ७९० मतका साथ विजयी भइन् । उनका निकटतम् प्रतिस्पर्धी जनता समाजवादी पार्टीका पन्ना लाल मंडलले जम्मा ५ हजार १७५ मत पाए ।