चुनाव नजिकिँदै जाँदा एमाले अध्यक्ष तथा पूर्वप्रधानमन्त्री केपी शर्मा ओली निकै व्यस्त बन्दै गइरहेका छन् ।
उनले आज लोकतान्त्रिक अपाङ्ग संघको राष्ट्रिय सम्मेलनलाई सम्बोधन गर्दैछन् ।
बिहान ९ बजे संघको सम्मेलनलाई सम्बोधन गर्ने कार्यक्रम तय भएको हो । यसपछि अध्यक्ष ओलीले विभिन्न पार्टीबाट आएका नेताहरूलाई पार्टीमा प्रवेश गराउने छन् ।
काठमाडौं उपत्यकामा हुने यी दुई कार्यक्रमपछि भने अध्यक्ष ओली आजै पर्वत र बाग्लुङ जानेछन् । जिल्ला कमिटी पर्वत र बाग्लुङले आयोजना गर्ने चुनावी सभालाई सम्बोधन उनले सम्बोधन गर्नेछन् ।
ओली निवास बालकोट पछिल्ला दिनहरूमा सिनेमा हल जस्तै भिड हुन थालेको छ ।
विभिन्न पार्टीबाट एमालेमा प्रवेश गर्नेहरू बालकोट पुग्छन् भने आफ्नै भातृ संगठनका कार्यकर्ताहरू, विभिन्न जिल्लाबाट आएका नेता तथा कार्यकर्ताहरू ओलीलाई भेट्न बालकोट पुग्ने गरेकाले ओली निवासमा सिनेमा हल जस्तै भिड लाग्दै आइरहेको छ ।
