नेपाली कांग्रेसका नेता रामचन्द्र पौडेलले स्थानीय तहको निर्वाचनमा सत्तारुढ दलहरूसँग गठबन्धन गर्ने कि नगर्ने भन्ने बारेमा राय लिन जिल्ला सभापतिहरूलाई बोलाएका छन् ।
बोहोराटारस्थित आफ्नै निवासमा जिल्ला सभापतिहरूसँग छलफलका आधारमा दिउँसो २ बजे बस्ने केन्द्रीय समिति बैठकमा वरिष्ठ नेता पौडेलले गठबन्धन गरेर जाने कि नगरी जाने भन्ने बारेमा आफ्नो धारणा राख्ने छन् ।
त्यसका लागि जिल्ला सभापतिहरू पौडेल निवास बोहोराटार पुगिरहेका छन् ।
नेपाली कांग्रेसभित्र गठबन्धन गर्ने कि नगर्ने भन्ने दुई धार छ । संस्थापन पक्ष गठबन्धन गरेर स्थानीय तहको चुनावमा जाने विचारमा छ भने शेखर कोइराला पक्षले भने स्थानीय तहमा नेपाली कांग्रेसका कार्यकर्ताहरूले रुखलाई छाडेर माओवादीलाई मत नदिने बताइरहेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
