मुख्य भूमिकामा अल्लु अर्जुन र रश्मिका मन्डन्ना अभिनीत ‘पुष्पा: द राइज’ ले तेलुगुमा मात्र होइन, सबै भाषामा राम्रो प्रदर्शन गरेको छ ।
यस विश्वभरबाट ३ सय करोड हाराहारी कमाइ गरेको छ । हिन्दी भर्सनबाट मात्र यसले सय करोड कमाइ गरेको छ । त्योबाहेक फिल्मको घरेलु बजार तेलगुमा पनि यसले राम्रो आम्दानी गरेको छ ।
यो फिल्म हिन्दी, तमिल, तेलुगु र मलायालम भाषामा एकैसाथ भारत र विश्वका विभिन्न भागमा रिलिज भएको थियो। सुकुमारद्वारा निर्देशित यस फिल्ममा फहद फासिल, जगदीश प्रताप बन्दरी, सुनील, राव रमेश, धनंजय, अनसूया भारद्वाज, अजय र अजय घोषको पनि अभिनय रहेको छ ।
फिल्ममा अल्लु अर्जुन र रश्मिका मन्दानाको भूमिका धेरैले रुचाएका छन् । अझ अल्लु अर्जुनले फिल्मका लागि गरेको मेकओभरले धेरैलाई चकित तुल्याएको छ । तर निर्देशक सुकुमारको नजरमा यो फिल्मका लागि न अल्लु अर्जुन पहिलो रोजाइ थिए न रश्मिका ।
उनले यो फिल्मका लागि सुरुमा अरु नै कलाकारलाई सम्झेका थिए तर उनीहरुको रुचि नभएपछि वा समय नमिलेपछि अल्लु अर्जुन र रश्मिका फिल्ममा जोडिएका हुन् । यो फिल्ममा पहिला नाम जोडिएका कलाकारको सूची यस प्रकार रहेको छ ।
महेश बाबु
निर्देशक सुकुमारले महेश बाबुलाई पुष्पराजको मुख्य भूमिकामा खेलाउन चाहन्थे । तर सुपरस्टार महेशबाबुलाई कथा मन परेको भएतापनि मेकओभर चित्त बुझेन । उनले आफ्नो लुक्समा परिवर्तन गर्न इच्छुक भएनन् त्यसैले उनले रिजेक्ट गरे । महेशबाबुको रिजेक्टपछि फिल्मको मुख्य रोलमा अल्लु अर्जुनलाई अफर गरियो । महेश बाबुले सोचेका थिएनन् कि पुष्पाले दर्शकबाट यति राम्रो साथ पाउनेछ भनेर । अहिले महेशबाबुलाई थकथक लागेको हुनुपर्छ ।
सामन्था रुथ प्रभु
दक्षिणको सबैभन्दा लोकप्रिय अभिनेत्री मध्ये एक, सामन्था रुथ प्रभुले ‘द फ्यामिली म्यान २’ मा अभिनय गरेपछि बलिउडमा पहिचान स्थापित गरिन् । जसको कारणले उनले सुकुमारको ‘पुष्पा’ लाई अस्वीकार गर्नुपर्ने भयो ? उनलाई फिल्ममा श्रीवल्लीको भूमिका खेल्ने अफर आएको थियो जसलाई उनले त्यागिन् । उक्त भूमिका अन्ततः रश्मिका मन्डन्नालाई गयो। चलचित्रले २०२१ को सबैभन्दा धेरै कमाइ गर्यो। यद्यपि, सामन्थाले आइटम डान्स भने गरिन् । जुन धेरै नै चर्चामा रहेको छ ।
नोरा फतेही
आइटम डान्सको लागि चर्चित नोरा फतेहीलाई यस फिल्ममा अफर गरिएको थियो । तर उक्त डान्सको लागि नोरा फतेहीले निको महङ्गो शुल्क चाहिने बताइन् । सोचेभन्दा बढी पैसा तिर्नुपर्ने भएपछि निर्माता उनलाई फिल्म नराख्ने भए । यद्यपी नोराले उक्त डान्सको लागि कति शुल्क मागेकी थिइन् भन्ने बारेमा खुलासा भएको छैन ।
दिशा पटानी
नोरा फतेहीलाई महङ्गो शुल्क तिर्नुपर्ने भएपछि निर्माण टिमले आइटम डान्सको लागि दिशा पटानीलाई पनि अफर नगरेको होइन् । तर दिशाले उक्त फिल्ममा नाइनास्ती गरिन् । अन्त्यमा कहिल्यै आइटम डान्स नगरेकी सामन्थालाई नै उक्त डान्सको लागि अफर गरियो । मिडिया रिपोर्ट अनुसार सामन्थाले उक्त आइटम डान्स गरेबापत ५ करोड भारू पारिश्रमिक बुझेकी छिन् ।
विजय सेतुपति
भंवर सिंह शेखावत आईपीएसको भूमिकामा कलिउड स्टार विजय सेतुपतिलाई प्रस्ताव गरिएको थियो। यो फिल्म धेरै भाषामा रिलिज गर्ने योजना भएकाले यसका लागि विजयलाई सम्पर्क गरिएको थियो । तर उनले समय दिन नसक्ने बताएपछि मलयालम स्टार फहाद फासिललाई भूमिका प्रस्ताव गरिएको हो । फहदको लागि यो फिल्म निकै राम्रो भएको बताइन्छन् । उनले भंवर सिंह शेखावतको रूपमा टलिउड डेब्यू गर्न पाए ।
निर्देशक सुकुमारको पहिलो रोजाइका कलाकार फिल्ममा नभए पनि ‘पुष्पा’ अत्यधिक हिट भयो । अब यो फिल्मको दोस्रो भाग मार्चदेखि फ्लोरमा जाने चर्चा छ ।
