प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल (प्रचण्ड)बीच भेटवार्ता भएको छ ।
देउवालाई भेट्न प्रचण्ड सोमबार बिहान सरकारी निवास बालुवाटारमा पुगेका हुन् ।
उनीहरुको सो भेटबारे प्रधानमन्त्रीको सचिवालयले जानकारी दिएको हो । भेटमा पछिल्लो समय विकसित समसामयिक राजनीतिक घटनाक्रमको विषयमा छलफल भएको जानकारी आएको छ ।
नेकपा माओवादी (केन्द्र) को ८ औं महाधिवेशन सम्पन्न भएपछि प्रचण्ड कोरोना सङ्क्रमित भएका थिए । केही दिनको होम आइसोलेसनमा बसेपछि प्रचण्ड कोरोनामुक्त भएका हुन् ।