राष्ट्रिय सभा सदस्य कोमल वलीले आफूलाई षडयन्त्रपूर्वक भिम रावलको पर्चा थम्माइएको बताएकी छिन् ।
चितवनमा भैरहेको नेकपाको १० औं महाधिवेशनमा केन्द्रीय सदस्य पदमा उम्मेदवारी घोषणा गरेको वलीले आज बिहान भिम रावलको पर्चा बोकेको तस्विर सार्वजनिक भएको थियो ।
वर्तमान उपाध्यक्ष रावलले १० औं महाधिवेशनमा अध्यक्षको उम्मेदवारी घोषणा गरेका छन् । सर्वसम्मत नेतृत्व चयन गर्ने प्रयास जारी भएतापनि अध्यक्षका दावेदार रावलले आफ्नो अडान कायम राख्दै आइतबार बिहान भोट माग्दै पर्चा समेत बाडेका थिए ।
कोमल वलीलगायतका केही प्रतिनिधिहरूलाई भीम रावलको पर्चा बोकेको तस्विरसहित केटिएम दैनिकमा “भीम रावलका लागि भोट माग्दै कोमल वली !” शीर्षकमा प्रकाशित भएको समाचारमा वलीले स्पष्टिकरण दिएकी हुन् ।
हिँड्दा हिँड्दै हातमा पर्चा थमाएर षड्यन्त्रपूर्वक तस्विर खिचिएको वलीको आरोप छ । उनले आफ्नो आस्था र विश्वासको केन्द्र केपी शर्मा ओली नै भएको बताएकी छिन् ।
“हिड्दा हिड्दै पर्चादिएर षडयन्त्रपुपुर्ण तरिकाले तस्बिर खिचेर मेरो विश्वास र आस्था माथी खेल्न खोजेकोमा खेद व्यक्त गर्दछु, मेरो आस्था र विश्वासका केन्द्र श्रद्धेय अध्यक्ष के पी ओलीज्यू प्रतिको अभेद्धे दृढत्वलाई कुनैकुराले तोड्न सक्दैन” वलीले ट्विटरमा केटिएम दैनिकलाई भनेकी छिन् ।
