नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफूलाई सिध्याउने उद्देश्यले नेकपा (एमाले)ले चितवनमा महाधिवेशन गर्न लागेको आक्षेप लगाएका छन् ।
रौतहटमा आयोजित जनसभालाई सम्बोधन गर्दै उहाँले एमाले नेतृत्वलाई खलनायकको संज्ञा दिँदै त्यसले आफ्नो राजनीतिक भविष्यमा कुनै प्रभाव नपर्ने जिकिर गरे ।
जनताका अगाडि दुनियाँको कुनै पनि तागतको केही नलाग्ने भन्दै अध्यक्ष दाहालले आउने निर्वाचनमा माओवादी एक नम्बर पार्टी बन्ने दाबी गरे । यसअघि बुटबलमा गर्ने भनिएको एमालेको महाधिवेशन अन्तिम समयमा आएर चितवनमा गरिने भएको हो ।
चितवनमा मंसिर १० देखि १२ गतेसम्म नेकपा एमालेको १० औं राष्ट्रिय महाधिवेशन हुँदैछ ।