काँग्रेस उपसभापति विजयकुमार गच्छदारले आफ्नो ५० वर्षको राजनीतिक र सामाजिक जीवन नै ध्वस्त पार्ने गरी षड्यन्त्रपूर्वक रुपमा फसाउने कोसिस गरिएको बताएका छन् । उनले आफू निर्दोष भएको समेत दाबी गरेका छन् ।
बुधबार तीनकुनेको एक होटेलमा पत्रकार सम्मेलन गर्दै नेता गच्छदारले आफूलाई तत्कालीन सरकारले राजनीतिक प्रतिशोधका आधारमा फसाउने दूषित उद्धेश्यले मुद्दा चलाएको बताए ।
‘ममाथि लगाइएका आरोपका साथ संलग्न प्रमाण कागजातहरु अध्ययन गरिएमा मेरोविरुद्ध लगाइएका आरोपहरु झूटा हुन् भन्ने प्रमाणित हुन्छ । यद्यपि ममाथि छानबिन र अध्ययनका लागि अख्तियार दुरुपयोग अनुसन्धान आयोग स्वतन्त्र छ,’ गच्छदारले भने, ‘तर दूषित उद्धेश्यले मेरो खुला किताबसरह रहेको मेरो राजनीतिक जीवन ध्वस्त पार्ने प्रयास भएको छ ।’
उनले भने, ‘प्रम निवास विस्तार गर्ने योजना म भौतिकमन्त्री हुनुपहिले नै सुरू भएको हो । तत्कालीन प्रम माधवकुमार नेपालको निर्देशन तहगत रूपमा मकहाँ आएपछि कार्यान्वयन गरेको हुँ । मन्त्रिपरिषद्को सामूहिक निर्णयको विषयमा सम्बन्धित मन्त्रीले मन्त्रिपरिषद्मा फाइल लगेकै भरमा मुद्दा चलाइनु गलत छ । मलाई मुद्दा लगायर कसैकसैलाई चोख्याउने काम भएको छ ।’
उनले जारी गरेको प्रेस नोटमा लेखिएको छ ।
प्रधानमन्त्री एवं विशिष्ठ व्यक्तिहरुको निवास बिस्तार गर्ने नेपाल सरकारको गुरुयोजना मैले भौतिक योजना तथा आवास मन्त्रालयको जिम्मेवारी सम्हाल्नु भन्दा धेरै पहिला देखि नै प्रारम्भ भएको हो । उक्त गरु योजना मेरो निर्देशन र निर्णयले बनेको होइन । सो गुरु योजना कार्यान्वयन गर्न तत्कालिन प्रधानमन्त्री माधवकमार नेपालज्यूको निर्देशानुसार प्रकृया अगाडि बढेकोमा तह तह हुँदै म सम्म आएको टिप्पणी बमोजिमको प्रस्ताब उपर निर्णय हुनको लागि मैले मन्त्रीपरिपदमा प्रस्ताव पेशसम्म गरेको है।
उक्त प्रस्ताव मन्त्रीपरिषदबाट सर्वसम्मत रुपमा पारित भै कार्यान्वयन अगाडि बढेको हो । यस्तो मन्त्रीपरिषदको समहिक निर्णयको विषयमा विभागीय मन्त्रीको हैसियतले प्रस्तावसम्म पेश गर्ने म उपर मात्र मद्धा चलाईएको तथ्यले अख्तियार दुरुपयोग अनुसन्धान आयोगले म उपर पूर्वाग्रह राखेको प्रमाणीत गर्दछ । मैले व्यक्तिगत रुपमा लाभ लिन् वा नेपाल सरकारलाई हानी पऱ्याएको अवस्था नभएकोले सरकारको गुरुयोजना कार्यान्वयन गर्ने प्रस्ताव मन्त्रीपरिषदमा पेश गर्ने सम्मको कार्य कदापी जमाचारजन्य कार्य हुन सक्दैन ।
