भारतीय क्रिकेटर शिखर धवनले पत्नी आयशा मुखर्जीसँग सम्बन्धबिच्छेद गरेका छन् ।
विवाहको ९ वर्षपछि उनीहरूकाे डिभाेर्स भएकाे हाे । केही समयअघिदेखि नै उनीहरूबीच डिभोर्सको चर्चा चलेको थियो ।
आयशाले सामाजिक सञ्जाल इन्स्ट्राग्राममा आफूहरूले सम्बन्धबिच्छेद गरेको जानकारी दिएकी छन् । धवनले भने यसबारे कुनै पनि जानकारी सार्वजनिक गरेका छैनन् ।
आयशाले आफ्नो दोस्रोपटक डिभोर्स भएको उल्लेख गर्दै भनेकी छन्, ‘मलाई डिभोर्स शब्द नै फोहोरी लाग्थ्यो, तर अब म दुई पटककी डिभोर्सी भएकी छु ।’आयशाको पहिलो विवाह एक अष्ट्रेलियन व्यापारीसँग भएको थियो ।
पहिलो श्रीमानका तर्फबाट उनका दुई छोरी छन् ।सन् २०१२ मा धवनसँग उनको दोस्रो विवाह भएको थियो । उनी हरूका ७ वर्षका एक छोरा छन् ।
आयशाले पहिलो पटक डिभोर्स हुँदा आफू एकदमै कमजोर भए पनि दोस्रो पटकको डिभोर्समा भने त्यती दुःखी नरहेको पनि बताएकी छन् ।