भोली (शनिबार) देखि एक हप्तासम्म नेपालभर मास्क अभियान सञ्चालन गरिने भएको छ ।
आज सरकार स्वास्थ्य तथा जनसंख्या मन्त्रालयले एक सूचना जारी गर्दै श्रावण २३ देखि २९ गतेसम्म “नेपाल मास्क अभियान” सञ्चालन गरिने जानकारी दिएको हो ।
राष्ट्रिय स्वास्थ्य शिक्षा, सूचना तथा संचार केन्द्रको निर्देशक डा. राधिका थपलियाले कोभिड-१९ को बढ्दो संक्रमण तथा जोखिम यथावतै रहेको अवस्थामा सबै नागरिकहरुलाई सही तरिकाले मास्क लगाउने यो अभियानको सुरुवात गरेको बताइन ।
कोभिड-१९ को रोकथाम तथा नियन्त्रणमा जिम्मेवार बनाउन, मास्क प्रयोगको महत्व बझाउँदै व्यवहार परिवर्तनका लागि प्रोत्साहन र उत्प्रेरित गर्न देशभर यही २०७८ श्रावण २३ गते देखि २९ गतेसम्म “नेपाल मास्क अभियान” आयोजना गर्न लागिएको हो ।
कोभिड-१९ बाट सुरक्षित रहन कुन मास्क लगाउने ?
कपडाको मास्क (ठीकै)
- सामान्यतया दुई वा तीन तह भएको कपडाको मास्क लगाउने ।
- घरमै बनाउन सकिने र प्रयोग गर्न र धुन मिल्ने ।
सर्जिकल मास्क (राम्रो)
- ८५ % – ९२ % हावाका कणहरु फिल्टर गर्ने ।
- स्थानीय औषधी पसल वा खुद्रा पसलमा किन्न सकिने ।
एन-९५ मास्क (सबैभन्दा राम्रो)
- ९५ % हावाका कणहरू फिल्टर गर्ने
- विशेषत स्वास्थ्यकर्मीहरूले प्रयोग गर्ने
एक तह मात्र भएको कपडाको मास्क र भल्भ भएको मास्क लगाउनु सुरक्षित हुँदैन ।