मकैबारीमा मृतावस्थामा भेटिएकी १६ वर्षीय किशोरी सीता चौधरी (पुलती) का पीडित परिवारले तीन जनाविरुद्ध प्रहरीमा किटानी जाहेरी दिएका छन् । मोरङको कानेपोखरी–३ कि पुतलीको हत्या भएको दाबीसहित पीडित परिवारले इलाका प्रहरी कार्यालय पथरीमा किटानी जाहेरी दर्ता गराएका हुन् ।
कानेपोखरीस्थित मामाघरमा बस्दै आएकी पुतली वैशाख २२ गते अपरान्ह चार बजे स्थानीय प्रकाश खड्काको मकैबारीमा मृतावस्थामा फेला परेकी थिइन् । मामाको घर नजिकै रहेको खड्काको घरमा घरेलु काम (बस्तु स्याहार्ने, घाँसपात गर्ने) काम गर्थिन् ।
खेतबाट उठाएर ल्याएपछि तेल लगाउन कपडा खोल्ने क्रममा मृतक पुतलीको योनीबाट रगत बगिरहेको देखेको दिदी जानुका चौधरीले बताइन् । पुतलीको योनीमा रगत बगेको देखिएको र शवलाई तुरुन्त प्रहरी बोलाएर अनुसन्धान गराउनुको साटो तेल दल्ने, धामी खोज्न पठाउने काम खड्का परिवारले घट्नालाई अर्कोतिर मोड्ने प्रयास भएको पीडित पक्षको भनाइ छ । बहिनीको मृत्यु भएको एक महिना बितिसक्दा पनि प्रहरीले अनुसन्धान नगरेको उनको सुनासो गरेकी छन् ।
दिउँसो खड्काको घरमा काम गरेपनि बेलुका मामाको घरमा सुत्न जान्थिन् । वैशाख २२ गते खड्काको घरनजिकै मकैबारीमा पुतली मृतास्थामा फेला परेकी थिइन् । पुतलीको शव भेटिएको वरिपरि मकैको बोट, झारपात मडारिएको थिएन । पानीमा घोप्टो परेर डुबेको अवस्थामा पुतलीको शव फेला परेको थियो ।
मृत फेला परेको शवलाई खड्काको घरमा ल्याएर तेल तताएर मालिस गरिएको थियो । शव भेटेपछि प्रहरीलाई खबर गर्नुपर्ने वा तुरुन्त अस्पताल पठाउनु पर्नेमा खड्का परिवारसमेत लागेर तेल दलेर बसेको पीडित परिवारले जनाएका छन् ।
साँझतिर भने पुतलीको शवलाई रङ्गेली अस्पताल पुर्याइएको थियो । रङ्गेली अस्पतालले पोष्टमार्टम गर्न नमानेपछि कोसी अस्पाताल विराटनगरमा पोष्टमार्टम गरेर वैशाख २३ गते बिहान डाँस खोलामा दाह सस्कार भएको थियो ।
खेतबाट उठाएर ल्याएपछि तेल लगाउन कपडा खोल्ने क्रममा मृतक पुतलीको योनीबाट रगत बगिरहेको देखेको दिदी जानुका चौधरीले बताइन् । पुतलीको योनीमा रगत बगेको देखिएको र शवलाई तुरुन्त प्रहरी बोलाएर अनुसन्धान गराउनुको साटो तेल दल्ने, धामी खोज्न पठाउने काम गरेर खड्का परिवारले घट्नालाई अर्कोतिर मोड्ने प्रयास गरेको पीडित पक्षको भनाइ छ ।
यता, घटनास्थलमा झारपात नमडारिएको र माटो अलिकति पनि नमडारिएकोले कतै हत्या गरेर त्यहाँ फालिएको हुनसक्ने मृतको ठूलोबुबा शिव चौधरीले जनाएका छन् । यस्तै, खड्का परिवारले बहिनीको पानीमा डुबेर, सर्पले टोकेर मरेको हल्ला चलाएको दिदी सुनिता चौधरीले बताएकी छन् । बहिनीको मृत्यु भएको एक महिना बितिसक्दा पनि प्रहरीले अनुसन्धान नगरेको उनको सुनासो गरेकी छन् ।
प्रकाश खड्का श्रीमती र छोराहरूसँगै बस्छन् । खड्काको घरमा काम गर्ने पुतलीको प्रकाशले नै बलात्कार गरी हत्या गरेको हुनसक्ने भएको भन्दै पीडित परिवारले छानबिन गर्न प्रहरीसँग माग गरेका छन् ।
पीडित परिवारले घरधनी प्रकाश खड्का, प्रकाश चौधरी र सञ्जु चौधरी विरुद्ध प्रहरीमा किटानी जाहेरी दिएका छन् । प्रकाश चौधरी र सञ्जु मृतकका मामा माइजु हुन् । मामा र माइजुको पनि भूमिका शंकास्पद देखिएकोले किटानी जाहेरीमा नाम उल्लेख भएका व्यक्तिहरुलाई पक्राउ गरी घटनाको सत्यतथ्य बाहिर ल्याउनुपर्ने पीडित परिवारको माग छ ।
प्रहरी भन्छ : अनुसन्धानकै क्रममा छौँ
प्रहरीले भने पुतली मृत्यु प्रकरणको अनुसन्धानमै रहेको जनाएको छ । जिल्ला प्रहरी कार्यालय मोरङका प्रहरी नायव उपरीक्षक मानबहादुर राईले सुक्ष्म अनुसनधान थालेको जानकारी दिएका छन् ।
‘घटनाको विषय प्रहरीले गहन रूपमा अनुसन्धान थालेको छ’, उनले केटिएम दैनिकसँग भने, ‘हामीले घटनामा फराकिलो दायरा बनाएर अनुसन्धान सुरु गरेको छौँ । भिसेरा रिपोर्ट आउन बाँकी रहेका कारण धेरै विषय खुलेको छैन । रिपोर्ट आएपछि थाहा हुन्छ ।’ प्रहरीले मृतकको भिसेरा परीक्षणको लागि प्रहरीको विधि विज्ञान प्रयोगशाला काठमाडौँमा पठाएको जनाएको छ ।
यस्तै इलाका प्रहरी कार्यालय पथरीका डिएसपी कृष्ण खड्काले पोष्टमार्टम रिर्पोटमा पुतलीको योनी नर्मल अवस्थामा रहेको उल्लेख भएको बताए । भिसेरा परीक्षणको लागि काठमाडौँ पठाएको र त्यसको रिपोर्ट आएपछि अनसुन्धानलाई अझ तीव्रता दिइने बताए ।