बुधबार नेपाली बजारमा सुनको मूल्य अघिल्लो दिनको तुलनामा प्रतितोला एक सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ९४ हजार २०० रुपैयाँ कायम भएको छ । मङ्गलबार सो मूल्य तोलाको ९४ हजार १ सय थियो । त्यस्तै तेजाबी सुन आज प्रतितोला एकसय रुपैयाँले नै बढेर प्रतितोला ९३ हजार ७०० रुपैयाँ कायम भएको छ ।
यता चाँदी भने मंगलबारको तुलनामा प्रतितोला ५ रुपैयाँले घट्दै १ हजार ३५० रुपैयाँ कायम भएको महासंघले जनाएको छ । देशका विभिन्न जिल्लामा निषेधाज्ञाले सुनचाँदीको कारोबार लगभग ठप्प नै भएतापनि सुनको मूल्यमा भने उतारचढाव आइरहेको छ । जेठ महिनाको २० गते तोलाको ९४ हजार ९ सय सम्म पुगेको सुनको मूल्यनै यो महिनाको सर्वाधिक महङ्गो मूल्य हो ।