राप्रपाका अध्यक्ष तथा पूर्वप्रधानमन्त्री कमल थापाले प्रधानमन्त्री केपी शर्मा ओलीलाई उद्घाटन, शिलान्यास र पार्टी विवादलाई थाती राखेर कोरोना महामारी नियन्त्रणमा ध्यान दिन सुझाएका छन्।
उनले आज सामाजिक सञ्जाल ट्विटरमार्फत प्रधानमन्त्री ओलीलाई यस्तो सुझाव दिएका हुन्।
‘कोरोना अनियन्त्रित र विकराल बन्दैछ,’ उनले भने, ‘यस अवस्थामा जनता स्वयं प्रमबाट सरकारले गरेका प्रयास र योजनाबारे सुन्न बुझ्न चाहन्छन्, दु:खको बेला जनता भरोसा खोजिरहेछन्।’
केही समय उदघाटन,शिलान्यास र पार्टी विवादलाई थॅाति राखेर कोरोना महामारी नियन्त्रणमा ध्यानदिन प्रम @kpsharmaoli लाई आग्रह गर्दछु।कोरोना अनियन्त्रित र विकराल बन्दैछ।यस अवस्थामा जनता स्वयं प्रमबाट सरकारले गरेका प्रयास र योजनावारे सुन्न बुझ्न चाहन्छन्।दु:खको बेला जनता भरोसा खोजिरहेछन्
— Kamal Thapa (@KTnepal) April 25, 2021
नेपालमा दोस्रो लहरको कोरोना संक्रमण देखापरेसँगै देशका विभिन्न अस्पतालमा वेड भरिएका समाचारहरु प्रकाशित भैरहेका छन् । विराटनगर, धनगढी र बाँकेको अवस्था दिनप्रतिदिन नाजुक बन्दै गइरहेको छ भने काठमाडौंमा पनि दैनिक ठूलो संख्यामा कोरोना संक्रमित भेटिन थालेका छन् ।
