नेपाली कांग्रेसका महामन्त्री शशांक कोइरालाले केपी शर्मा ओली नेतृत्वको सरकारलाई सधैकाे लागि बिदाइ गर्नु पर्ने समय आएकाे बताएका छन् ।
नेविसंघको ५२ औं स्थापना दिवसमा आज काठमाडौंमा आयोजित कार्यक्रममा महामन्त्री कोइरालाले ओली सरकारलाई अपदस्त गर्नुपर्ने बताएका छन् । उनले साे कार्यक्रममा देउवालाई सरकार बनाउन पहल गर्न पनि आग्रह गरेका थिए।
एमालेका नेता माधवकुमार नेपाल र झलनाथ खनाल पक्षले सहयोग गरेमा नयाँ सरकार बन्ने उनको भनाइ थियो।
‘कर्णालीमा माधव नेपाल र झलनाथ खनाल पक्षले फ्लोर क्रस गरेका छन् । केन्द्रमा पनि उनीहरूले फ्लोर क्रस गरे भने हाम्रो नेतृत्वमा सरकार बन्छ,’ महामन्त्री कोइरालाले भने।