नेपाल पत्रकार महासंघको यही चैत २५ गते हुने केन्द्रीय समितिको चुनावमा सचिव एसोसिएट पदमा विगत १८ वर्षदेखि सक्रिय पत्रकारिता गरिरहेका पत्रकार केपी ढुंगानाले उम्मेदवारी दिएका छन् ।
नेपाल पत्रकार महासंघमा उनको उम्मेदवारी किन र निर्वाचनमा विजयी भए भने उनले के के काम गर्छन् भन्ने विषयमा उनीसँग गरिएको कुराकानीको सम्पादित अंश ।
हाम्रो पुस्ताको लागि राजनीति सधैँ छ्या भयो तर जहाँ गएर परिवर्तन गर्नुपर्नेछ त्यहाँ परिवर्तन गर्न सक्ने भनेको नेतृत्वमा गएर मात्रै हो राजनीतिले मात्र हो । हाम्रो पुस्ताले जबसम्म सशक्त रूपमा राजनीतिमा हस्तक्षेप गर्न सक्दैन तबसम्म परिवर्तन असम्भव छ । मैले त्यही अनुभव गरेर यसपालि एसोसियट तर्फको उम्मेदवारी दिएको छु ।
ठूलाठूला गाडीहरूमा सञ्चालकहरू सररर हिँड्ने तर एक बोरा चामल किन्न नसकेर श्रमजीवी पत्रकारहरूको भौँतारिएर भोको पेटमा हिँड्ने जुन हाम्रो विडम्बनापूर्ण दृश्य छ त्यसलाई परिवर्तन गर्ने हो ।
अंसगठित मजदुरहरुले श्रम ऐनबाट जे जस्ता अधिकारहरू पाइरहेका छन् श्रमजीवी पत्रकार ऐनले हामीलाई त्यति अधिकार पनि दिएको छैन ।
साथीहरूले सुनिएको नाम पढेको नाम हेरेको अनुहार र सुनेको आवाजलाई आफ्नो मतदानको मुख्य आधार बनाउनुहुनेछ । गैर पत्रकारलाई नेपाल पत्रकार महासंघको नेतृत्वमा जानबाट रोक्नुहुनेछ । म जित्छु वा हार्छु भन्नेसँग त्यति धेरै चासो छैन । तर म हारे र मेरो ठाउँमा गैर पत्रकार नेतृत्वमा गयो भने त्यो सबै श्रमजीवी पत्रकारको हार हो । मलाई लाग्छ श्रमजीवी पत्रकारहरूले कहिल्यै पनि हार्दैनन् ।
हेर्नुहोस् भिडिओ