नेपाल पत्रकार महासंघको नयाँ नेतृत्व चयनका लागि बुधबार भएको निर्वाचनको मत गणना अझै जारी छ । यस क्रममा ६० जिल्ला, प्रतिष्ठान र एसोसिएट प्रदेशबाट प्राप्त भएको मत परिणाम सार्वजनिक भइसकेको छ ।
जसअनसार गठबन्धनबाट केन्द्रीय अध्यक्षका उम्मेदवार विपुल पोखरेल प्रेस चौतारीकी प्रतिष्पर्धी निर्मला शर्माभन्दा झण्डै दुई हजार ३ सय मतले अघि छन् । पोखरेलले ५ हजार ३ सय ३१ मत ल्याउँदा शर्माले ३ हजार ४० मत ल्याएकी छिन् । स्वतन्त्र रुपमा उम्मेदवारी दिएका गजेन्द्र सिंह बुढाथोकीले ३ सय ८८ मत ल्याएका छन् ।
यस्तै वरिष्ठ उपाध्यक्षका उम्मेदवार रमेश विष्टले ५ हजार १ सय ६४ मत पाउँदा माधव नेपालले २ हजार ९ सय ३३ मत ल्याएका छन् । महिला उपाध्यक्षका उम्मेद्वार बाला अधिकारीले ५ हजार ५ सय ४८ मत प्राप्त गर्दा दाना केसीले २ हजार ७ सय २३ मत ल्याएकी छन् । समावेशीतर्फ पनि पोखरेल प्यानलकै उम्मेदवार अगाडि छन् । उदय जीएमले ४ हजार ३ सय ६९ मत ल्याउँदा अवधेश झाले २ हजार ८ सय २८ मत र मोहन कुमार सिंहले ७ सय ५६ ल्याएको निर्वाचन समितिले जानकारी दिएको छ ।
महासचिवका उम्मेदवार रोशन पुरीले ४ हजार ७ सय ६८ मत पाउँदा प्रतिष्पर्धी बालकृष्ण बस्नेतले ३ हजार ९ मत ल्याएका छन् । खुला सचिवतर्फ गोविन्दप्रसाद चौलागाईले ४ हजार ५ सय ४ मत प्राप्त गर्दा रामकृष्ण ज्ञवालीले २ हजार ५ सय २ मत ल्याएका छन् । त्यस्तै जन्मदेव जैसीले ७ सय ७९ मत ल्याउँदा यम विरहीले ६ सय २५ मत ल्याएका छन् ।
महिला सचिवतर्फ पनि अहिलेसम्म पोख्रेल प्यानलकै सिर्जना अर्यालको अग्रता छ । उनले ५ हजार २२ मत पाउँदा प्रतिष्पर्धी निमा काफ्लेको ३ हजार २ सय १२ मत छ ।
यसैगरी आदिवासी जनजातितर्फ सचिवमा नारायण सुन्दर किलम्बुले अहिलेसम्म ४ हजार ८ सय २२ मत पाएका छन् भने प्रतिष्पर्धी शाहीमान राईले २ हजार ६ सय २७ मत ल्याएका छन् । सचिव मधेसीतर्फ दीपेन्द्र चौहानले ४ हजार ३ सय ८७ र स्वेता सिन्हाले ३ हजार ४ सय ६०, दलित सचिवतर्फ हेमकर्ण विकले ४ हजार ६ सय ३० र मधु शाहीले ३ हजार ५ सय ५८ मत प्राप्त गरेको निर्वाचन समितिले जनाएको छ ।
एशोसिएटतर्फ सचिवमा गठबन्धनका पवन आचार्यले ४ हजार ५ सय ७० मत पाउँदा चौतारीका रामेश्वर कार्कीले २ हजार २ सय १६ मत पाएका छन् । कोषाध्यक्ष उम्मेदवार कलेन्द्र सेजुवालले ४ हजार ३ सय ७७ मतसहित अग्रता लिएका छन् भने प्रतिस्पर्धी कृष्ण गिरीले २ हजार ५ सय ९२ मत पाएका छन् ।
लेखा समिति संयोजकमा गठबन्धनका लेखनाथ न्यौपानेले ४ हजार २ सय ८० मत पाएका छन् भने द्वारिकाप्रसाद काफ्लेको २ हजार ५ सय १४ ८ मत ल्याएका छन् । सदस्यमा पनि प्रेस युनियन र प्रेस संगठनकै उम्मेदवार अगाडि छन् ।
यसपालि पत्रकार महासंघको निर्वाचन पहिलोपल्ट प्रत्यक्ष प्रणालीबाट भएको हो । जसमा नेपाली कांग्रेस, माओवादी केन्द्र, नेकपा एमाले (माधव नेपाल पक्ष), मोहन वैद्य नेतृत्वको क्रान्तिकारी माओवादीलगायत दल निकट पत्रकार संगठनको गठबन्धनबाट विपुल पाखरेल, एमालेकै सत्ता पक्ष अर्थात् प्रधानमन्त्री केपी शर्मा ओलीनिकट प्रेस चौतारीबाट निर्मला शर्मा र स्वतन्त्रबाट गजेन्द्र बुढाथोकी अध्यक्ष पदमा उठेका हुन् ।
यस्तो छ अहिलेसम्मको मत परिणाम